Me pankarta e posterë, disa protestues që u mblodhën pranë gjykatës në New York e duan ish-presidentin amerikan, Donald Trump, prapa grilave.
Këta janë të bindur se biznesmeni miliarder që doli para gjyqtarëve të hënën, është fajtor i akuzave për mashtrim rreth deklarimeve financiare të kompanisë së tij.
Por, gjithë këtë proces ku prokurori kërkon 250 milionë dollarë ndëshkim, republikani e quan të motivuar politikisht dhe tentim për të ndërhyrë në zgjedhje.
Trumpi nuk është i vetmi republikan që po i rrezikohet pozita.
Edhe udhëheqësi i Dhomës së Përfaqësuesve në Shtetet e Bashkuara, Kevin McCarthy, po lufton për karrigen e tij me një bashkë-partiak i cili u rebelua keq meqë ky i fundit miratoi projektligjin me ndihmën e demokratëve për t’i financuar agjencitë qeveritare.
Madje republikani Matt Gaets, ngrit edhe një mocion për shkarkimin e tij.
Deri më tani askush në historinë amerikane në këtë pozitë nuk është shkarkuar përmes një mocioni të tillë.
https://www.youtube.com/watch?v=O_bIDC8oCpc
●●●
EVSHKRIMI NGA
E V
Editorial nga Klan Kosova — ndjek video lajme dhe zhvillimet e tjera kryesore të vendit.
