Telashet zgjedhore: Sa legjitimë janë kryetarët shqiptarë? (VIDEO)

Mundësia ka, si kurrë më herët. Katër komunat veriore ka gjasa reale që nga e diela të bëhen me kryetarë shqiptarë, ndonëse në to dominon komuniteti serb. Përjashto Mitrovicën e Veriut, sipas monitoruesve të pushtetit lokal, si të tilla këto votime nuk prodhojnë legjitimitet. E në rast se kjo kalohet, Shemsi Jashari nga organizata joqeveritare “Demokracia Fillon Këtu”, në pikëpyetje do të jetë shtrirja e autoritetit në këto zona. Funksionalitetin e organeve të dala nga 23 prilli e sheh me rezervë edhe Kadri Kryeziu si një nga hartuesit e Kushtetutës së Kosovës, për të cilin në këto kushte minohet demokracia. Zgjedhjet në Mitrovicë të Veriut, Zveçan, Leposaviq e Zubin Potok, pa një ujdi politike në mes të Prishtinës e Beogradit, sipas njohësve rezultojnë të dështuara. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=swEHKJQR3cY