Temperaturat ekstreme, shënohen ditët më të nxehta të planetit në 44 vjet (VIDEO)

Rrezet e diellit ka kohë që se ngrohën kaq shumë tokën. Bile në këtë javë u shënuan temperaturat më të larta në gjithë planetin prej kur bëhen matje. Kjo ngjau më 3 dhe 4 korrik, e veç gjatë të martës mesatarja e temperaturës së tokës u rrit me 17 gradë, duke tejkaluar rekordin e gushtit të vitit 2016, me 16,92 gradë Celsius, raporton Klan Kosova. E India po konsiderohet si vendi më i ngrohtë, ku shumë njerëz po vdesin nga sëmundjet që lidhen me nxehtësinë. Vapa ekstreme po bëhet me shpejtësi një krizë e shëndetit publik atje, me më shumë se 150 njerëz që kanë vdekur gjatë valës së fundit të të nxehtit në qershor. Ndërsa Pekini raportoi nëntë ditë rresht javën e kaluar për temperatura që kaluan 35 gradë Celsius. E situatë më e mirë nuk është as në Evropë. "Ndryshimet klimatike sulmojnë fort kontinentin tonë . Unë gjithmonë them se kriza klimatike është një krizë shëndetësore. Tani po zmbrapset ose ka potencialin të frenojë 50 vjet përparim në shëndetin publik", deklaroi Hans Henri P. Kluge, Drejtor Rajonal i OBSH-së për Evropën. Kjo është hera e parë në 44 vitet e këtij grupi të dhënash që temperatura tejkaloi shenjën 17 gradë Celsius dhe më pas shkoi edhe më lart. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=8XEwg421pos