“Tenistët meshkuj duhet të paguhen më shumë se femrat”

Numri një i tenisit në botë, Novak Djokoviq, thotë se tenistët meshkujt duhet të paguhen më shumë se tenistet femra, për shkak se ata kanë më shumë spektatorë gjatë ndeshjeve se sa koleget e tyre, shkruan BBC, transmeton Klan Kosova. Sipas tij, pagesa duhet të distribuohet në mënyrë të drejtë duke u bazuar në faktin se kush tërheqë më shumë vëmendje e spektatorë, dhe se kush shet më shumë bileta. Ka një shumë pothuajse të barabartë sa i përket pagesës për tenistet femra e tenistët meshkuj në të katër garat më të mëdha të botës, në Australian Open, US Open, French Open dhe në Wimbeldon.