Tensionet në Iran, Çakmaku: Tendencë e kamotshme, s’duan shtetësi të pavarur në Lindje të Mesme

Turma të mëdha protestuesish po marshojnë nëpër kryeqytetin e Iranit dhe qytete të tjera, në atë që thuhet të jetë shfaqja më e madhe e forcës nga kundërshtarët e establishmentit klerikal në vite. Sipas raportimeve, mbi 600 protestues janë vrarë, ndërsa në këtë zhvillim është përfshirë edhe presidenti amerikan, Donald Trump, transmeton Klankosova.tv. Për këtë ngjarje, njohësi i Lindjes së Mesme, Avni Çakmakut tha në Klan Kosova se nuk është e rastësishme, por tendencioze. “Çka po ndodh në Iran është faktikisht një vazhdimësi pothuajse e dy dekadave të ngjarjeve të cilat po ndodhin në Lindjen e Mesme. Realisht, është një tendencë e kamotshme që ato shtete të cilat funksionojnë brenda Lindjes së Mesme, të mos kenë kapacitete të tilla, të cilat e bëjnë një lloj shtetësie të pavarur prej të gjitha rrjedhave politike që mund të ndodhin nëpër botë. Pra nuk shihet si ndodhi e rastësishme”, tha ai në emisionin “Ora Shtatë”. https://www.youtube.com/watch?v=Qw_HrG2L6Bg