Tensionet në veri: Qetë, por hera-herës ka incidente (VIDEO)

Rrugën nëpër Serbovc të Zveçanit, një patrullë e policisë e kaloi pa telashe, të premtën. Por, kaq serbes nuk kaloi andejpari, të enjten mbrëma, një tjetër makine e forcave të rendit të Republikës së Kosovës. Ajo u sulmua pak para mesnate, nga siç u raportua, disa persona që po lëviznin me një audi ngjyrëhiri, njofton Klan Kosova. Policia i dha dy cilësime ngjarjës, “Vrasje e Rëndë në Tentativë” dhe “Shkaktim i Rrezikut të Përgjithshëm”. Kjo nuk e ndali aktivizimin e policisë që pothuajse nga të gjitha stacionet policore nëpër komuna shkuan në veri të Kosovës. Disa prej tyre edhe u vendosen në lagjen e boshnjakëve që situatën ta vëzhgojnë nga afër. Të tjerët qëndruan pranë Urës së Ibrit. Në fakt, një pjesë e pergatitjeve të tyre para se të vendosen nëper pozicionet e caktuara u bë këtë te stacioni policor në jug. Megjithatë, numri i shtuar i policisë shqiptarëve veriore edhe asaj jugore, nuk po u jep siguri. Ata duan aktivizim më të madh të institucioneve shtetërore. Një gjë të tillë, thonë se po e bën policia sipas të cilëve situata në veri është stabile por që hera herës ka incidente të natyrave të ndryshme që po i bëjnë individët e grupet kriminale për të frikësuar dhe cenuar sigurinë e qytetarëve në atë pjesë. https://www.youtube.com/watch?v=H5c2O7Qysy0

klankosova.tv