Tentoi ta vriste një person me thikë, arrestohet 29-vjeçari në Arllat të Drenasit

Një 29-vjeçar është arrestuar nga Policia e Kosovës në fshatin Arllat të Drenasit, pasi dyshohet se ka tentuar të vrasë një person me thikë. Sipas Policisë, ngjarja ka ndodhur rreth orës 02:30 të mëngjesit të sotëm, kur policia mori informacion se një person ishte lënduar me mjet të mprehtë. Viktima, me inicialet R.B., siç u tha, është dërguar menjëherë për trajtim mjekësor, transmeton Klankosova.tv. “Pas intervistimit, me vendim të prokurorit të shtetit, i njëjti është dërguar në qendrën e mbajtjes, ndaj tij është iniciuar rasti vrasje në tentative”, thuhet tutje në njoftimin e Policisë.