Terapia revolucionare pastroi kancerin e pashërueshëm të një vajze 13-vjeçare (FOTO)

Kanceri i pashërueshëm i një adoleshenteje është pastruar nga trupi i saj në përdorimin e parë të një terapie të re revolucionare. Të gjitha trajtimet e tjera për leukeminë e Alyssas 13-vjeçare nga Leicesteri, kishin dështuar. Kështu që mjekët në spitalin "Great Ormond Street" përdorën redaktimin bazë për të kryer një vepër të inxhinierisë biologjike për të bërë një ilaç të ri. Gjashtë muaj më vonë kanceri ishte zhdukur, por Alyssa është ende duke u monitoruar në rast se ai kthehet, shkruan BBC, transmeton Klankosova.tv.

Alyssa u diagnostikua me leukemi limfoblastike akute me qeliza T në maj të vitit të kaluar. Qelizat T supozohet të jenë kujdestarët e trupit, duke kërkuar dhe shkatërruar kërcënimet, por për Alyssan ato ishin bërë rrezik dhe po dilnin jashtë kontrollit. Kanceri i saj ishte agresiv, ndaj kimioterapia dhe më pas transplantimi i palcës së eshtrave, nuk ishin në gjendje ta largonin këtë sëmundje nga trupi i saj.