Tetë raste të vdekjeve me Covid-19, arrin në 185 numri i viktimave

Ministri i Shëndetësisë, Armend Zemaj, ka mbajtur sot një konferencë për media ku ka njoftuar për më të rejat në vend lidhur me pandeminë Covid-19. Drejtori e Institutit Kombëtar të Shëndetësisë Publike të Kosovës, Naser Ramadani, në një fjalë rasti ka njoftuar se ka arritur në 185 numri i të vdekurve me Covid-19 në Kosovë. Kjo i bie që gjatë 24 orëve të fundit, janë regjistruar tetë rastë të vdekjeve. "Numri total i rasteve pozitive është 7.413 raste nga 34.720 persona të dyshimtë në virusin SARS-CoV-2, me gjithsej 185 raste të vdekjes të cilët kanë pasur sëmundje të tjera shoqëruese". "Gjatë 24 orëve të fundit, janë shëruar 153 pacientë derisa numri i përgjithshëm i të shëruarve deri më sot është gjithsej 4.027 raste, kurse numri i rasteve aktive është 3.201". "Rastet pozitive janë nga: komuna Prishtinë 61 raste, komuna Gjilan 29 raste, komuna Podujevë 23 raste, komuna Gjakovë 22 raste, komuna Vushtrri 22 raste, komuna Prizren 20 raste, komuna Mitrovicë 14 raste, komuna Skenderaj 10 raste, komuna Viti 9 raste, komuna Pejë 7 raste, komuna Fushë Kosovë 7 raste, komuna Rahovec 6 raste, komuna Kamenicë 6 raste, komuna Dragash 5 raste, komuna Malishevë 5 raste, komuna Ferizaj 5 raste, komuna Drenas 4 raste, komuna Klinë 4 raste, komuna Lipjan 4 raste, komuna Suharekë 3 raste, komuna Deçan 3 raste, komuna Obiliq 2 raste, komuna Zubin Potok 2 raste dhe me nga 1 rast komunat: Shtime, Graçanicë dhe Kaçanik". Më poshtë mund ta lexoni komunikatën e plotë të IKSHPK-së:  

klankosova.tv