Tetë shenja që tregojnë se jeni të varur nga dashuria

Nëse keni qenë ndonjëherë i dashuruar, jeni të njoftuar me fluturat në bark dhe dëshirën për të kaluar shumë kohë me atë person. Por, një ekspert tani ka paralajmëruar se nëse ndjenjat tuaja janë bërë impulsive dhe obsesive, atëherë mund të jeni të varur nga dashuria. Ekspertët në “Delamere Health” thanë se më shumë njerëz tani janë në gjendje të fillojnë marrëdhënie për shkak të mungesës së kufizimeve ndaj COVID-19. Ekspertët kanë specifikuar tetë shenja që tregojnë që jeni të varur nga dashuria: 1.Fantazia Martin thotë se varësia ndaj dashurisë përfshin gjithmonë një person tjetër edhe nëse ai nuk është i përfshirë. “Fantazia nënkupton një varësie nga dashuria, sepse njerëzit krijojnë në kokën e tyre marrëdhënie imagjinare që në realitet nuk ekziston”, u shpreh ai. 2.Të varur nga të qenit 'i dashuruar' Njerëzit që vuajnë nga varësia ndaj dashurisë zakonisht do të hidhen nga një lidhje në tjetrën pasi janë të varur nga ndjenja e të qenit të dashuruar. Martin tha se njerëzit e tillë vazhdimisht e ndjejnë se duhet të gjejnë dikë tjetër sapo lidhja e tyre të përfundojë, sepse kanë frikë të qëndrojnë vetëm. 3.Vendime impulsive dhe të rrezikshme Dikush që është i varur nga dashuria shpesh mund të marrë vendime të rrezikshme pa menduar dy herë për pasojat. Të gjitha veprimet e tyre sillen rreth personit me të cilin janë të dashuruar. 4.Obsesiv Martin tha se një tipar kryesor i një të varur nga dashuria do të jetë sjellja obsesive dhe nevojtare kur ata janë në një lidhje. "Ata mund ta gjejnë veten duke bombarduar të dashurin e tyre me dhurata dhe shenja dashurie ose dhurata ekstravagante që ata nuk mund t'i përballojnë", shtoi ai. 5.Vështirësi me intimitet Ata që kanë varësi nga dashuria shpesh mërziten pasi kalon faza e muajit të mjaltit dhe kjo mund t'i ndalojë ata të krijojnë një marrëdhënie të shëndetshme. Njerëzit të cilët janë të varur nga dashuria shpesh kërkojnë atë që ata mendojnë se është marrëdhënia perfekte, pasi mendojnë se kjo do të zgjidhë gjithçka, shkruan The Sun, transmeton Klankosova.tv. Martin tha se kjo gjithashtu mund të nënkuptojë që ata përfundojnë në marrëdhënie jo të shëndetshme me njerëzit e tjerë që mund të jenë intensiv që në fillim, shpesh duke përdorur seksin si një mënyrë për të mbajtur partnerin e tyre afër. 6.Varësia nga pasioni Të qenit jashtëzakonisht i varur nga një partner ose i dashuruar me dikë është një shenjë tjetër e varësisë nga dashuria. Martin shpjegoi se kjo mund të thotë se ata bëhen shumë xhelozë për atë person që flet ose kalon kohë me të tjerët, gjë që mund të çojë në sjellje të rrezikshme ose të çrregullt. 7.Zemëroheni me miqtë dhe familjen Njerëzit të varur nga dashuria mund të jenë pakënaqur me miqtë dhe anëtarët e familjes që janë në një lidhje dashurie. Ata shpesh do të tërhiqen nga qarqe të caktuara ose do të ndalojnë së shkuari në ngjarje të ndryshme. 8.Manipulimi Duke qenë i varur nga dashura shpesh mund shkaktojnë dramë, ku personi i cili vuan nga kjo varësi do tq përpiqet të manipulojë njerëzit e tjerë. Nëse mendoni se mund të vuani nga çdo lloj varësie, atëherë duhet të merrni ndihmë patjetër nga një profesionist.