"The Rings of Power", bëhet premiera më e shikuar ndonjëherë e Amazon

"The Lord of the Rings: The Rings of Poëer" është bërë premiera më e shikuar e Amazon Prime Video ndonjëherë. Debutimi i serialit televiziv fantazi, tërhoqi një audiencë globale prej më shumë se 25 milionë shikuesish, më i madhi në historinë 15-vjeçare të platformës së transmetimit, sipas një raporti nga Deadline. "The Rings of Power", i cili bazohet në romanet klasike të Tolkien "The Lord of the Rings", u shfaq premierë të enjten në 250 vende dhe territore. “Është disi e përshtatshme që tregimet e Tolkien – ndër më të njohurat e të gjitha kohërave, dhe ato që shumë e konsiderojnë si origjinën e vërtetë të zhanrit të fantazisë – na kanë çuar në këtë moment krenar”, tha shefja e Amazon, Jennifer Salke. Seriali me tetë episode u rindërtua për një sezon të dytë përpara premierës së shfaqjes, me një angazhim pesë sezonal, që ishte pjesë e marrëveshjes kur Amazon fitoi të drejtat nga pasuria e Tolkien në vitin 2017, shkruan Fox news, përcjell Klankosova.tv “Rings of Power” është cilësuar si shfaqja më e shtrenjtë e të gjitha kohërave. Sipas revistës Time, Amazon shpenzoi 465 milionë dollarë në sezonin e parë dhe kostot e vlerësuara për pesë sezonet e serialit parashikohen të arrijnë në 1 miliard dollarë.