"The Sun": Rita u kthye në atdhe për një dokumentar mbi kulturën e rinisë së Kosovës

Media britanike "The Sun" ka shkruar për vizitën e Rita Orës në Kosovë, duke thënë se është kthyer në atdhe për një projekt të ri, larg muzikës. "The Sun" ka shkruar se këngëtarja e "Hot Right Now" është bashkuar me ekipin që qëndron pas dokumentarit më të fundit të Nirvana-s për të prodhuar dokumentarin për kulturën në vendlindjen e saj. “Jam në mes të xhirimeve të një dokumentari për kulturën 'underground' të rinisë në Kosovë", ka thënë Rita, përcjell Klankosova.tv. “Gjashtëdhjetë për qind e popullsisë sonë është nën moshën 35 vjeç, e cila është super e re". “Kjo tregon se ka kaq shumë zemërim dhe zhgënjim që po ndodh nën të gjitha kufizimet që na është dashur të shohim në historinë e vendit tonë". “Kam punuar me producentë që janë vërtet të apasionuar pas Kosovës dhe prej nga jam unë". "Të bësh muzikë dhe të jesh e hapur është padyshim gjë kontroverse”, deklaroi Rita. Rita erdhi në Kosovë për të festuar ditëlindjen e saj të 33-të, e shoqëruar nga bashkëshorti, regjisori Taika Waititi. Duke folur për udhëtimin, Rita zbuloi se ajo hoqi dorë pak nga pushimi për të filmuar disa skena për dokumentarin e saj të ardhshëm. “Unë shkoj atje dhe ata më shikojnë nga bota tjetër. Sikur nuk është një gjë e vërtetë për ta, por shpresa për të qenë në gjendje të bëj diçka... kjo është ajo që bëj unë. Unë bëj punën e ëndrrave të mia, por kam punuar për të arritur këtu ku jam, por kur kthehem nuk mund t'i lidh akoma pikat e asaj pak shprese që ata kanë humbur”. “Ishte emocionuese për mua”, deklaroi Rita Ora. /Klankosova.tv