“The Wanted”: Kapet në Spanjë 25-vjeçari që kultivoi mbi 10 mijë bimë kanabisi në Shkodër

Një 25-vjeçar nga Laçi i Shqipërisë u lokalizua në Spanjë, i cili kërkohet për veprat penale "Kultivim i bimëve narkotike", "Prodhimi dhe shitja e  narkotikëve", "Grupi i strukturuar kriminal" dhe "Kryerja e veprave penale nga organizata kriminale ose grup i strukturuar kriminal". Policia e Shtetit ka bërë të ditur se A. Z. akuzohet se në bashkëpunim me të dyshuar të tjerë, në vitin 2023, ka kultivuar 10 mijë e 900 bimë narkotike Cannabis Sativa, në fshatin Kir, njësia administrative Pult, dhe në afërsi të fshatit Theth, Shkodër, transmeton Klankosova.tv. “Shtetasi Interpol Tirana, në bashkëpunim me Interpol Madridin, vijon punën për finalizimin e procedurave të ekstradimit të këtij shtetasi, në Shqipëri”, thuhet në njoftimin e policisë.