Macklemore performoi në festivalin Lovestream të Sllovakisë fundjavën e kaluar dhe në skenë iu bashkua një fanse, e cila këndoi një këngë bashkë me të.
Reperi nuk e dinte se gruaja në të vërtetë kërkohej nga policia sllovake dhe ajo u arrestua menjëherë pas shfaqjes në skenë, raporton Consequence, transmeton Klan Kosova.
Departamenti i Policisë Sllovake postoi një përmbledhje të incidentit në faqen e tyre në Facebook. Gruaja iu bashkua Macklemore-it në skenë dhe postoi në lidhje me të në mediat sociale; një pjesëmarrës i festivalit e pa performancën dhe postimin dhe e njohu atë nga një foto e stilit "e kërkuar" e postuar në faqen e internetit të policëve, duke ndjekur raportet e policisë dhe kriminelët e kërkuar. Më pas i pranishmi lajmëroi policinë, të cilët pritën derisa gruaja të dilte jashtë skenës për ta shoqëruar me pranga nga ambienti.
Nuk dihet saktësisht se për çfarë u akuzua gruaja, por raportet lokale e përshkruan atë si një banakiere 24-vjeçare, e cila ka shmangur pagesën e një gjobe për vrapimin pa bluzë (lakuriq) gjatë një ndeshjeje futbolli më 2019 në Sllovaki, teksa punonte si staf.
Faqja e Policisë sllovake pretendon se gruaja "harroi" se ishte në radarin e policisë, por ndoshta ajo thjesht po e merrte pak si shumë seriozisht “himnin” e këngës të Macklemore "Nuk mund të na ndalojnë".
●●●
EVSHKRIMI NGA
E V
Editorial nga Klan Kosova — ndjek prive dhe zhvillimet e tjera kryesore të vendit.
