Tiranë: Vodhën 30 mijë euro, kapet njëri nga të dyshuarit

Një 49-vjeçar është arrestuar në Tiranë nën dyshimin se në nëntor të 2024-ës, në një banesë vodhi 30 mijë euro në bashkëpunim me një person tjetër. Gjykata e Tiranës  ndaj të dyshuarit ka caktuar masën e sigurisë “Arrest në burg”, për veprën penale “Vjedhja”, me pasoja të rënda, kryer në bashkëpunim. “Në nëntor të vitit 2024, dyshohet se shtetasi A. Ç., në bashkëpunim me shtetasin Xh. C. (i arrestuar) dhe me një shtetas tjetër (ende në kërkim), vodhi 30 000 euro dhe sende me vlerë të konsiderueshme, në banesën e shtetasit A. Ç. Vijon puna për kapjen e shtetasit të fundit të shpallur në kërkim për këtë rast”, thuhet në njoftimin e Policisë së Shtetit, transmeton Klankosova.tv. Materialet procedurale iu referuan Prokurorisë së Tiranës, për veprime të mëtejshme.