Tokio qyteti më i sigurtë në botë

Për të tretën herë radhazi, Tokio shpallet qyteti më i sigurtë në botë. Sipas sondazhit të së përjavshmes britanike, "Economist", përcjellë Klan Kosova kryeqyteti japonez është në krye në fushën e parandalimit të fatkeqësive natyrore, ka nivelin më të ulët të sulmeve kibernetike, dhe ka shkallë jashtëzakonisht të ulët të krimeve. Në vendin e dytë është Singapori dhe në vendin e tretë është një tjetër qytet japonez, Osaka. Qyteti i vetëm amerikan që arriti në Top 10 ishte kryeqyteti Washington DC,i renditur i 7-ti. Ndërsa Çikago ishte në vendin e 11-të. Raporti i SCI mbi sigurinë e qyteteve përfshin edhe çështje të tilla si terrorizmi dhe ndryshimi i klimës. Gjithashtu u analizuan shërbimet e emergjencës në qytete, mjetet e transportit, siguria në raste katastrofash dhe gatishmëria në rastet e sulmeve kibernetike. Hong Kong, që mbajti numrin 9 në listë në vitin 2017, zbriti në vendin e 20 këtë vit. Qytetet më të sigurta në botë për vitin 2019: 1. Tokio, Japoni 2. Singapore, Singapor 3. Osaka, Japoni 4. Amsterdam, Holandë 5. Sydney, Australi 6. Toronto, Kanada 7. Washington DC, SHBA 8. Kopenhagen, Danimarkë 9. Seoul, Koreja e Jugut 10. Melbourn, Australi