Tommy Robinson në Uashington: Çfarë tha në Departamentin e Shtetit?

Aktivisti britanik i ekstremit të djathtë, Tommy Robinson, ka deklaruar se ka vizituar Departamenti e Shtetit gjatë një udhëtimi në Uashington, ku sipas tij është takuar me zyrtarë amerikanë dhe mbështetës të lëvizjes MAGA. Një zyrtar i Departamentit të Shtetit, Joe Rittenhouse, konfirmoi takimin përmes një postimi në rrjetet sociale, duke e cilësuar Robinson si luftëtar të lirisë së shprehjes. Institucioni nuk dha detaje mbi qëllimin apo përmbajtjen e vizitës. Robinson, emri i vërtetë i të cilit është Stephen Yaxley-Lennon, është figurë e njohur në Mbretërinë e Bashkuar për retorikë kundër myslimanëve dhe si bashkëthemelues i English Defence League. Gjatë qëndrimit në SHBA, ai u takua gjithashtu me influencuesin Jack Posobiec dhe kongresmenin republikan Randy Fine. Vizita vjen në një kohë kur administrata e presidentit Donald Trump ka shprehur mbështetje për aktivistë të së djathtës së ashpër në Evropë, në emër të mbrojtjes së lirisë së fjalës.