Reperi Tory Lanez është shpallur fajtor për plagosjen e hip-hop artistes, Megan Thee Stallion, në vitin 2020.
Një gjykatë në Los Anxhelos e dënoi kanadezin 30-vjeçar për sulm me armë zjarri gjysmë automatike dhe mbajtje të një arme zjarri të mbushur dhe të paregjistruar.
Ai përballet me më shumë se 20 vjet burg.
Megan Thee Stallion, një reper 27-vjeçare fituese e çmimit Grammy, më herët dëshmoi se u qëllua në këmbë pasi doli nga një festë në pishinë.
Lanez nuk tregoi asnjë reagim teksa u lexua vendimi. Atij i është caktuar masa e paraburgimit dhe do të dënohet më 27 janar.
Nuk dihej menjëherë nëse ai kishte në plan të apelonte.
Gjatë gjyqit, Megan Thee Stallion, emri i vërtetë i së cilës është Megan Pete, dëshmoi se ajo u qëllua dhe u plagos në festën në Hollywood Hills, më 12 korrik 2020.
Reperja argumentoi se Lanez, emri i vërtetë i të cilit është Daystar Peterson, u tërbua pasi ajo kishte përçmuar talentin e tij muzikor.
●●●
ASHKRIMI NGA
A.B
Editorial nga Klan Kosova — ndjek prive dhe zhvillimet e tjera kryesore të vendit.
