Tragjedi në festë ditëlindjeje: Tre fëmijë mes katër viktimave në Kaliforni

Të paktën katër persona, përfshirë tre fëmijë, janë vrarë nga të shtënat masive në një takim familjar në Kaliforni, thonë autoritetet. Viktimat ishin 8, 9, 14 dhe 21 vjeç, tha të dielën një zëdhënës i Zyrës së Sherifit të Qarkut San Joaquin. Njëmbëdhjetë të tjerë u plagosën në incidentin në një restorant në qytetin verior të shtetit, Stockton, raporton BBC, transmeton Klankosova.tv. Një i dyshuar është ende në arrati dhe policia thotë se beson që të shtënat mund të kenë qenë "të qëllimshme". Zëvendëskryetari i bashkisë së qytetit tha se të shtënat kishin ndodhur "në një festë ditëlindjeje për fëmijë". Policia nuk e ka konfirmuar llojin e ngjarjes në të cilën ndodhi të shtënat, përtej faktit se ishte një takim familjar. https://klankosova.tv/te-shtena-masive-ne-festen-e-ditelindjes-se-nje-femije-ne-kaliforni-4-te-vdek1ur/