Tragjike: Humb jetën një 16-vjeçar në Leposaviq, u rrokullis me traktor

Një ngjarje e rëndë ka ndodhur sot rreth orës 11:00 në fshatin Zemanic të Leposaviqit. Atje, një 16 vjeçar me inicialet D.P e ka humbur jetën, dyshohet pasi ishte rrokullisur me traktor. "Sipas deklarimeve të dëshmitarëve, i mituri ishte duke tërhequr një lis me traktor dhe më pas ishte rrotulluar me të. Lidhur me rastin është njoftuar Prokurori i Shtetit, i cili ka urdhëruar inicimin e rastit si “Vdekje e dyshimtë”, ndërsa me urdhër të prokurorit, trupi i viktimës i është dorëzuar familjarëve", thuhet në njoftimin e policisë transmeton Klankosova.tv.