Trajtimi i personalizuar i presionit të gjakut është më efektiv

Pacientët e trajtuar me barna për uljen e presionit të gjakut mund të përjetojnë përmirësime shumë më të mëdha nga ndryshimi i mjekimit sesa nga dyfishimi i dozës së mjekimit aktual. Këtë e tregon një studim i ri nga Universiteti Uppsala, i publikuar në Journal of the American Medical Association (JAMA), njofton Klankosova.tv. Në këtë studim, 280 pacientë testuan katër ilaçe të ndryshme për uljen e presionit të gjakut gjatë një viti. “Efekti i ndryshimit të mjekimit mund të jetë dy herë më i madh se efekti i dyfishimit të dozës së mjekimit aktual të pacientit. Ishte e qartë në studimin tonë se disa pacientë arritën presion më të ulët të gjakut nga një ilaç sesa nga një tjetër. Ky efekt është mjaft i madh për të qenë klinikisht i rëndësishëm”, thotë Johan Sundström, kardiolog dhe profesor i epidemiologjisë në Universitetin e Uppsala,s i cili është autori i parë i studimit. Shumica e suedezëve zhvillojnë tensionin e lartë të gjakut herët a vonë; më shumë se dy milionë suedezë kanë tension të lartë në kohën e tanishme, transmeton Klankosova.tv Katër ilaçe të ndryshme për presionin e gjakut Një studim i ri në Universitetin Uppsala hetoi nëse ekziston një ilaç optimal i presionit të gjakut për çdo individ, dhe për rrjedhojë një potencial për trajtimin e personalizuar të presionit të gjakut. Në studim morën pjesë 280 pacientë. Të gjithë këta individë testuan katër barna të ndryshme për presionin e gjakut, njëri pas tjetrit, në disa periudha të ndryshme gjatë një periudhe totale prej një viti. Studiuesit panë se efekti i trajtimit ndryshonte shumë nga individi në individ dhe se ishte e qartë se disa pacientë arritën presion më të ulët të gjakut nga një ilaç sesa nga një tjetër. Gjetjet e studimit sfidojnë strategjinë e rekomanduar në udhëzimet aktuale të trajtimit, në të cilat katër grupe barnash rekomandohen në mënyrë të barabartë për të gjithë pacientët me presion të lartë të gjakut. “Nëse personalizojmë mjekimin e secilit pacient, mund të arrijmë një efekt më të mirë sesa nëse zgjedhim një ilaç nga një prej këtyre katër grupeve të barnave në mënyrë të rastësishme. Studimi ynë tregon se duke marrë ilaçin e duhur për presionin e gjakut, pacienti mund të ulë presionin e gjakut dhe si rezultat ndoshta mund të marrë më shpejt mbrojtje më të mirë kundër sëmundjeve të ardhshme kardiovaskulare,” thotë Sundström. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.