Transformimi i bibliotekave në qendra të njohurive dhe kompetencave digjitale nga BoneVet (VIDEO)

Qëllimi i këtij projekti është që bibliotekat të mos vazhdojnë të jenë tradicionale, pra mos të shfrytëzohen vetëm për huazim librash por të kthehen në qendra digjitale ku fëmijët dhe të rriturit të mund të përdorin edhe pajisje digjitale. Ndaj kuadër të projektit “Qytetari Digjital”, në hapësirën e BoneVet Prishtina është mbajtur trajnimi mbi pajisjen micro: Maqueen Lite, ku përveç trajnimit të zyrtarëve nga bibliotekat publike të Kosovës edhe fëmijët kanë pasur mundësinë që përmes trajnimit nga mentorët e BoneVet të mësojnë për robotin programues edukativ i cili konsiderohet ideal për përdorim në edukimin STEM. Ky projekt po implementohet në partneritet me American Corner Pristina, të cilët edhe ftojnë të rinjtë që të përfshihen sa më shumë në aktivitete të tilla teknologjike, që të jenë pjesë e botës digjitale. Projektit “Qytetari Digjital” është një projekt për libraritë në Kosovë, Kroaci, Bosnjë dhe Hercegovinë dhe Serbi, i nisur nga IRIM - Croatian Makers (Instituti për Zhvillimin e Rinisë dhe Inovacionit) në Kroaci dhe i mbështetur nga Google. Më poshtë ndiqeni kronikën e realizuar nga gazetarja Albiona Halimi për emisionin "Ora e Pasdites". https://www.youtube.com/watch?v=0weoKqE3hfI