Transformimi i qytetit të vjetër të Janjevës, një sukses i vërtetë

Transformimi zhvillimor i qytetit të vjetër te Janjevës po ecën me sukses. Kështu të paktën bëri të ditur ministri i Kulturës, Hajrulla Çeku përmes një postimi në facebook, transmeton Klankosova.tv. Punimet tashmë kanë përfunduar në gjashtë shtëpi ndërsa po vazhdojnë në tetë të tjera. “Paralelisht po punohet në fuqizimin e kapaciteteve lokale për ofrimin e shërbimeve cilësore turistike. 20 banorë të Janjevës janë përfitues të granteve për themelimin apo zgjerimin e bizneseve, të cilët në vazhdimësi marrin mbështetje për zbatimin e ideve të biznesit”, shkruan Çeku. Kjo qendër historike pritet të shndërrohet në destinacion tërheqës për vizitorë, duke zhvilluar turizmin dhe ekonominë lokale.