Policia e Kosovës njofton se sot në pjesën veriore të vendit, në rrugën ilegale në fshatin Junake të Zubin Potokut, kanë ndaluar tri automjete transportuese kombi (furgonë), me të cilat dyshohej se po kryhej kontrabandë e mallrave.
Bëhet e ditur se gjatë kontrollit është vërejtur se po bartin sasi të konsiderueshme të mallrave, kryesisht ushqimore, pos tjerash edhe produkte mishi e bulmeti që po transportoheshin në kushte të palejueshme higjeniko-sanitare, e që mund të ishin të dëmshme për shëndetin e njeriut, thuhet në njoftimin e policisë të postuar në Facebook.
Po ashtu theksohet se në automjete janë hasur edhe pije alkoolike dhe produkte tjera ushqimore e higjienike.
Lidhur me rastin, një person është arrestuar, kurse malli është konfiskuar dhe dërguar në Doganën e Kosovës.
●●●
Shpërndaje këtë artikull
EV
SHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
