Travis Kelce e konfirmon se nuk mund të marrë pjesë në Grammys me Taylor Swift

Travis Kelce po qëndron i fokusuar në kërkimin e tij dhe të Kansas City Chiefs për fitore të njëpasnjëshme në Super Bowl. Ai është shprehur se nuk do të mundet që ta shoqërojë të dashurën e tij në spektaklin më të madh të muzikës, Grammys. Të mërkurën, Kelce u shfaq në emisionin "The Pat McAfee Show", ku tha: "Do të doja të shkoja të mbështesja Taylor në Grammys dhe ta shikoja atë të fitonte çdo çmim të vetëm për të cilin është nominuar". “Por mendoj se kam stërvitje të dielën”. Taylor është e nominuar në Grammys për gjashtë herë këtë vit, shkruan People, transmeton Klankosova.tv.