Tre kosovarë në finale të "Trofeut të Podgoricës"

Të enjten mbrëma u zhvilluan gjysmëfinalet e turneut “Trofeu i Podgoricës”. Në kategorinë 57 kg, Patriot Behrami mposhti bindshëm 3-0, boksierin hungarez Kristyan Matyas, duke dominuar në të tre raundet dhe boksuar me teknikë të përsosur. Flamur Sejfijaj në kategorinë 60 kg mposhti 2-1 boksierin hungarez Mate Llakatosh. Edhe Atdhe Deliaj ishte më i mirë se kundërshtari i tij, serbi Nikolla Simonoviq, që është edhe bartës i medaljes evropiane për kadetë. Kështu, në finale të cilat do të zhvillohen të premten nga ora 19:00, Kosova do të ketë tre përfaqësues.