Tre mijë palë qerpikë fals kapen në aeroportin e New Orleansit

Tre mijë palë qerpikë fals janë kapur nga zyrtarët e Doganës dhe Mbrojtjes së Kufirit të SHBA-së, pasi ata vlerësuan që ato ishin importuar në mënyrë të paligjshme nga Kina në New Orleans. Katër pakot me qerpikë fals, që u kapën të martën në Aeroportin Ndërkombëtar Louis Armstrong në New Orleans, ishin të destinuara për një dyqan lokal me produkte bukurie. Zëdhënësi i Doganës, Matthew Dyman, tha se të njëjtët nuk ishin aprovuar nga Agjencia Federale e Ushqimit dhe Barnave (FDA) dhe nuk ishin etiketuar me emrin e distributorit ose prodhuesit. “Kjo do të thotë se nuk ka asnjë mënyrë për të treguar nëse qerpikët ishin ekspozuar ndaj ndonjë sëmundje gjatë prodhimit ose nëse ishin ruajtur si duhet dhe ishin mbajtur larg zonave të infektuara nga insektet”, tha ai për The Times-Picayune / The New Orleans Advocate. Qerpikët e rremë të paetiketuar, jo të aprovuar nga FDA, shpesh kapen në New Orleans, por zyrtarët thanë se kjo dërgesë ishte "veçanërisht e madhe".