Tre punonjës të kujdesit shëndetësor të vijës së parë të frontit kanë rënë në mënyrë misterioze nga dritaret e spitalit në Rusi gjatë dy javëve të fundit, duke rritur vëmendjen e publikut për kushtet e punës për mjekët dhe profesionistët mjekësorë në mesin e pandemisë.
Dy prej atyre punonjësve të kujdesit shëndetësor kanë vdekur dhe një mbetet i shtrirë në spital, njofton Klan Kosova.
Të tri incidentet, të cilat po hetohen nga autoritetet ruse kanë nxitur diskutime të forta në shtypin rus dhe në mediat sociale.
Alexander Shulepov, një mjek ambulance në Voronezh, një qytet në jug të Moskës, është në gjendje të rëndë pasi ra nga dritarja e spitalit të shtunën.
Televizioni shtetëror lokal, duke përmendur zyrtarët rajonalë të shëndetit, tha që ai ra nga dritarja e katit të dytë të spitalit Novousmanskaya, ku ai punoi dhe po ishte duke trajtuar pasi doli pozitiv për koronavirus, shkruan CNN.
Shulepov u shtrua në spital për koronavirus më 22 prill, në të njëjtën ditë ai dhe kolegu i tij Alexander Kosyakin postuan një video në internet duke thënë se Shulepov ishte detyruar të vazhdojë punën pasi testoi pozitivisht për koronavirus.
Kosyakin kishte kritikuar më parë administratën spitalore për mungesë të mjeteve mbrojtëse në mediat e tij sociale dhe ishte marrë në pyetje nga policia për gjoja përhapjen e lajmeve të rreme.
●●●
ABSHKRIMI NGA
A. BA
Editorial nga Klan Kosova — ndjek lajme dhe zhvillimet e tjera kryesore të vendit.
