Treshi ankohet, Komuna e Prishtinës vepron

Pas premtimeve që zyrtarët e Komunës së Prishtinës iu dhanë shoferëve të autobuseve të linjës 3 një ditë më parë, të enjten tre njësi të inspekcionit të komunikacionit dolën  në terren që nga mëngjesi. Shefit i këtij sektori, Alban Imeri tha për Klan Kosovën, vetëm gjatë mëngjesit janë konfiskuar 10 vetura të taksistëve ilegalë. Këta të fundit nuk kanë të drejtë të marrin veturat e tyre deri në 5 ditë, ndërsa pas procedimit të lëndës për në gjykatë, taksistët mund të dënohen nga 800 deri në 1000 euro. Ndryshe, një ditë më parë punëtorët e linjës tre të autobusëve të trafikut urban protestuan  para objektit të Komunës së Prishtinës në kundërshtim të taksive ilegalë, njofton Klan Kosova. .