Trevjeçari mbijetoi në shkurret australiane ‘për shkak të autizmit të tij’

Një trevjeçar mund të ketë mbijetuar vetë në shkurret australiane sepse autizmi i tij e ndaloi atë nga paniku, thonë hetuesit. Anthony Elfalak, u gjet të hënën i veshur me një bluzë dhe pelenë pasi kaloi tre ditë i humbur, në një fshat rural 90 kilometra në veri të Sidneit. Një helikopter kërkimi e gjeti atë të ulur pranë një përroi, duke përdorur duart e tij për të pirë ujë. Ai u shpëtua dhe u dërgua në shtëpi tek familja e tij. Tani, një hetues ka thënë për Daily Mail Australia, se ai beson se autizmi i tij, mund ta ketë ndihmuar atë që qëndrojë i qetë sepse nuk e kuptoi se ishte në rrezik. Hetuesit tha: “Realiteti është se ai nuk e dinte që ka humbur, kështu që ai nuk ishte i frikësuar, ai nuk kishte panik. Nëse ai ishte i lodhur, flinte, kishte qasje në ujë, që është një gjë e madhe për mbijetesë në shkurre”. Fëmijët me autizëm shpesh kanë një "ndjenjë të dëmtuar të rrezikut", veçanërisht kur ata janë të angazhuar intensivisht në diçka që kënaqen, siç është eksplorimi, sipas Autism Tasmania. Shumë nuk mund të besojnë se ishte e mundur që një fëmijë të mbijetonte pa ushqim në temperatura të larta gjatë ditës dhe të ulëta gjatë natës. Por policia dhe mjekët kanë thënë se gjendja dhe plagët e fëmijës ishin në përputhje me atë që djali i vogël ishte në shkurre për tre netë. Një mjek ndihmës tregoi se si trevjeçari i uritur pinte ujë shumë dhe hëngri një picë të tërë pasi u shpëtua. Familja e djalit organizoi një festë për të gjithë komunitetin e tyre të martën për të festuar kthimin e vogëlushit në shtëpi, transmeton Klankosova.tv.