Tri vajza të mitura nën hetim pas tentativës për arratisje nga strehimorja

Tri të mitura, të vendosura në një strehimore për qëllime rehabilitimi në Lipjan, janë intervistuar nga autoritetet për shkak të dyshimeve se kanë tentuar të largohen pa leje nga institucioni ku ishin sistemuar.

Sipas policisë, vajzat janë intervistuar në prani të punëtorëve të Qendrës për Punë Sociale (QPS), si dhe të avokatit mbrojtës.

Lidhur me rastin është njoftuar dhe konsultuar edhe prokurori i çështjes, i cili pritet të vendosë për hapat e mëtejshëm ligjorë, raporton Klankosova.tv.