Tristan i kërkon falje Khloe-t pasi testi i atësisë konfirmoi që ai është baba edhe i një fëmijë tjetër

Tristan Thompson i ka kërkuar falje ish të dashurës së tij, Khloe Kardashian. “Sot, rezultatet e testit të atësisë zbuluan se unë e bëra një fëmijë me Maralee Nichols”, shkroi ylli i NBA në Instagram Story të hënën. Nichols ngriti një padi kundër Thompson në Kaliforni, duke thënë se ai është babai i djalit të saj të porsalindur. Në dokumentet e gjykatës, Thompson ka thënë se ata kanë bërë seks në ditëlindjen e tij në mars 2021 gjatë një “shoqërimi”. Tani, Thompson thotë, "Unë marr përgjegjësinë e plotë për veprimet e mia. Tani që atësia është vendosur, pres me padurim të rris miqësisht djalin tonë. Unë sinqerisht i kërkoj falje kujtdo që e kam lënduar ose zhgënjyer gjatë gjithë kësaj sprove, publikisht dhe privatisht". Ai vazhdoi duke pranuar në mënyrë specifike "dhimbjen" e ish-it të tij, Khloe Kardashian, pas ndarjes së tyre pranverën e kaluar. “Khloe, ti nuk e meriton këtë”, ka shkruar Thompson. "Ti nuk e meriton dhimbjen dhe poshtërimin që të kam shkaktuar. Nuk e meriton mënyrën se si të kam trajtuar unë gjatë viteve. Veprimet e mia sigurisht që nuk janë në përputhje me mënyrën se si unë të shikoj. Kam respektin dhe dashurinë maksimale për ty. Pavarësisht se çfarë mund të mendosh. Përsëri, më vjen shumë keq", shtoi ai. Kardashian dhe Thompson kanë së bashku një vajzë trevjeçare me emrin True, dhe ai ka edhe një djalë pesëvjeçar me emrin Prince, me ish-in e tij, Jordan Craig.