Trump heq dorë nga kërcënimi për tarifa pas bisedimeve me NATO-n për Grenlandën

Presidenti Donald Trump thotë se nuk do të vendosë tarifa në lidhje me Grenlandën pas një takimi "shumë produktiv" me shefin e NATO-s, Mark Rutte. Në postimin e tij në platformën e tij Truth Social, Trumpi tha "ne kemi formuar kornizën e një marrëveshjeje të ardhshme në lidhje me Grenlandën dhe, në fakt, të gjithë Rajonin Arktik", shkruan SkyNews, transmeton Klankosova.tv. Presidenti amerikan shtoi se "zgjidhja" do të jetë e shkëlqyer për ShBA-në dhe të gjitha vendet e NATO-s. "Bazuar në këtë mirëkuptim, unë nuk do të vendos tarifat që ishin planifikuar të hynin në fuqi më 1 shkurt", tha ai. Trump megjithatë shtoi se do të zhvillohen diskutime të mëtejshme rreth Kupolës së Artë.