Trump kërcënon ashpër: Një qytetërim i tërë do të vdesë sonte, nëse Irani refuzon marrëveshjen

Presidenti i Shteteve të Bashkuara të Amerikës, Donald Trump, ka paralajmëruar Iranin që të arrijë marrëveshje gjatë ditës së martë, për hapjen e Ngushticës së Hormuzit. Në të kundërtën, ai ka paralajmëruar veprime të ashpra, duke përdorur edhe gjuhë kërcënuese. "Një qytetërim i tërë do të vdesë sonte, për të mos u kthyer më kurrë. Nuk dua që kjo të ndodhë, por ndoshta do të ndodhë. Megjithatë, tani që kemi ndryshim të plotë dhe total të regjimit, ku mbizotërojnë mendje të ndryshme, më të zgjuara dhe më pak të radikalizuara, ndoshta mund të ndodhë diçka revolucionare e mrekullueshme, kush e di? Do ta zbulojmë sonte, një nga momentet më të rëndësishme në historinë e gjatë dhe komplekse të botës.”, ka thënë Trump. Trumpi i ka dhënë Iranit afat deri në orën 02:00 të mërkurën me kohën e Kosovës për të rihapur Ngushticën e Hormuzit, dhe disa herë deri më tani ka bërë thirrje për një gjë të tillë, duke dhënë edhe ultimatume. /Klankosova.tv