Trump mund të lirohet sot nga spitali

Presidenti i Shteteve të Bashkuara të Amerikës, Donald Trump, i cili është duke marrë trajtim si i infektuar me COVID-19, mund të lirohet sot nga spitali për të vazhduar trajtimin në Shtëpinë e Bardhë. Specialisti Brian Garibaldi ka bërë të ditur se Donald Trump ka marrë një dozë të dytë të ilaçeve dhe deri më tani nuk i është shfaqur ndonjë efekt anësor, shkruan Reuters, transmeton Klan Kosova. Sipas tij, nëse gjërat vazhdojnë të shkojnë mirë, Trump do të jetë në gjendje të kthehet në Shtëpinë e Bardhë të hënën për ta vazhduar terapinë. Kujtojmë se të premten Trump është dërguar për në Qendrën Kombëtare Mjekësore Ushtarake “Walter Reed”, pasi është konfirmuar se ai dhe zonja e parë Melania Trump kanë rezultuar pozitiv në testin për COVID-19.

klankosova.tv