Trump në Parlamentin izraelit: "Qiejt janë të qetë, armët e heshtura" – përshëndet fundin e një epoke terrori

Presidenti amerikan, Donald Trump ka mbajtur fjalim në Parlamentin e Izraelit në Jerusalem. Ai u shpreh i nderuar, dhe fjalimin e nisi duke qeshur. “Ne jemi mbledhur këtu në një ditë gëzimi të thellë dhe shprese të lartë për besim të ripërtërirë dhe mbi të gjitha është një ditë për t’i dhënë falënderimet tona më të thella Perëndisë së plotfuqishëm të Abrahamit, Isakut dhe Jakobit”, tha ai, transmeton Klankosova.tv. Trump thotë “pas kaq shumë vitesh luftë të pandërprerë dhe rreziku të pafund, sot qielli është i qetë dhe armët janë të heshtura “. “Ky nuk është vetëm fundi i një lufte, është fundi i një epoke terrori dhe vdekjeje, dhe fillimi i epokës së besimit dhe shpresës, dhe të Zotit”, tha ai. “Është fillimi i një marrëveshjeje të madhe dhe harmonie të qëndrueshme për Izraelin dhe të gjitha kombet e asaj që së shpejti do të jetë një rajon vërtet madhështor”. Më pas, presidenti amerikan e çoi në këmbë Benjamin Netanyahun duke thënë “nuk është njeriu më i lehtë për t’u përballur”. “Por kjo është ajo që e bën atë të madh”, shtoi Trump./Klankosova.tv