Trump pas takimit me Zelenskyn: Ka ende rrugë për të bërë drejt përfundimit të luftës

Presidenti amerikan, Donald Trump ka zhvilluar një takim me presidentin ukrainas, Volodymyr Zelensky, pas të cilit tha se lufta me Rusinë duhet të marrë fund. Por, për përfundimin e kësaj lufte, Trump u shpreh se ka ende rrugë për të bërë në këtë drejtim, raporton CNN, transmeton Klankosova.tv. “Ka ende rrugë për të bërë. Lufta duhet të marrë fund. Shpresojmë që do të marrë fund. Po vriten shumë njerëz”, tha ai pasi doli nga takimi me Zelenskyn në Davos. Zyrtarët e Trumpit do të takohen më pas me presidentin rus, Vladimir Putin, që synojnë të ndërmjetësojnë një marrëveshje armëpushimi. “Është një proces i vazhdueshëm. Të gjithë duan që lufta të mbarojë”, është shprehur Trumpi.