Presidenti i ShBA-së, Donald Trump, ka njoftuar se po anulon të gjitha dokumentet e nënshkruara nga presidenti Joe Biden duke përdorur një autopen - një pajisje automatike nënshkrimi.
Trump deklaron se kjo përbën deri në 92 përqind të dokumenteve të tilla dhe e publikoi deklaratën e tij në rrjetin social Truth Social, transmeton Klankosova.tv
Në mesazhin e tij të drejtpërdrejtë, Trump akuzoi bashkëpunëtorët e presidentit aktual për veprime të paligjshme dhe e kërcënoi Bidenin me akuza për dëshmi të rreme.
"Çdo dokument i nënshkruar nga Joe Biden i përgjumur me një Autopen, që përbënte afërsisht 92% të tyre, me anë të kësaj anulohet dhe nuk ka asnjë fuqi apo efekt të mëtejshëm. Autopen nuk mund të përdoret përveç nëse autorizohet posaçërisht nga Presidenti i Shteteve të Bashkuara. Të çmendurit radikalë të krahut të majtë që rrethojnë Bidenin rreth tavolinës së bukur presidenciale në Zyrën Ovale e kanë zhveshur atë nga Presidenca. Me anë të kësaj anuloj të gjitha Urdhrat Ekzekutiv dhe çdo gjë tjetër që nuk është nënshkruar drejtpërdrejt nga Joe Biden i Kalbur, sepse njerëzit që drejtuan Autopen e bënë këtë në mënyrë të paligjshme. Joe Biden nuk ishte i përfshirë në procesin Autopen dhe, nëse ai thotë se ishte, ai do të akuzohet për dëshmi të rreme. Faleminderit për vëmendjen tuaj ndaj kësaj çështjeje", shkroi Trump. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
