Dy vjet pas shpërthimit të konfliktit në Gaza, Presidenti Donald Trump premtoi të martën mbështetjen e SHBA-së për garancitë e sigurisë në Gaza dhe tha se beson që një marrëveshje është afër përfundimit për pengjet e mbetura.
Duke folur me gazetarët në Zyrën Ovale, Trump tha: "Mendoj se ekziston mundësia që të kemi paqe në Lindjen e Mesme" përtej Gazës. Ai tha se do të diskutonte për Gazën me kryeministrin kanadez Mark Carney, i cili ndodhet për vizitë, shkruan BBC, transmeton Klankosova.tv.
Një zyrtar amerikan tha se i dërguari special i SHBA-së, Steve Witkoff, dhe Jared Kushner, i cili ishte i dërguari i Trump për Lindjen e Mesme gjatë mandatit të tij të parë, u nisën për në Egjipt të martën për t'u bashkuar me negociatat atje.
Bisedimet duket se përfaqësojnë negociatat më premtuese deri më tani për t'i dhënë fund një lufte që ka vrarë dhjetëra mijëra palestinezë dhe ka shkatërruar Gazën që nga sulmi i 7 tetorit 2023 ndaj Izraelit, në të cilin u vranë 1,200 njerëz dhe 251 u morën përsëri në Gaza si pengje.
"Jemi shumë afër arritjes së një marrëveshjeje për Lindjen e Mesme që do të sjellë paqe në Lindjen e Mesme pas gjithë këtyre viteve", tha Trump në fillim të një takimi në Zyrën Ovale me Carneyn.
●●●
LESHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.
