Trump zotohet për 'masa të forta' nëse Irani ekzekuton protestuesit

Presidenti Donald Trump ka thënë se ShBA do të ndërmarr "masa shumë të forta" kundër Iranit nëse ai ekzekuton protestuesit, pasi grupet e të drejtave të njeriut thonë se më shumë se 2,400 demonstrues antiqeveritarë janë vrarë në një shtypje të dhunshme nga autoritetet iraniane. Të afërmit e 26-vjeçarit Erfan Soltani, i cili u ndalua javën e kaluar, i kanë thënë BBC Persian se ai do të ekzekutohet të mërkurën, transmeton Klankosova.tv. Një përfaqësues nga Organizata Hengaw për të Drejtat e Njeriut i tha gjithashtu BBC-së se ata "nuk kishin parë kurrë një çështje që të lëvizte kaq shpejt". Duke folur për partnerin amerikan të BBC-së, CBS News, Trump tha për ekzekutimet e mundshme: "Nëse i varin, do të shihni disa gjëra... Ne do të ndërmarrim masa shumë të forta nëse ata bëjnë një gjë të tillë".