Trumpi i ofron Hungarisë përjashtim njëvjeçar nga sanksionet energjetike ruse

Presidenti amerikan Donald Trump e ka përjashtuar Hungarinë nga sanksionet për shkak të blerjeve të vazhdueshme të naftës dhe gazit rus për një vit, konfirmoi një zyrtar i Shtëpisë së Bardhë. Më parë, presidenti amerikan tha se do të shqyrtonte mundësinë e përjashtimit të kryeministrit hungarez Viktor Orban, një aleat i ngushtë i Trump i cili ka mbajtur marrëdhënie të mira me Rusinë gjatë gjithë luftës në Ukrainë. Duke folur të premten gjatë vizitës së Orban në Shtëpinë e Bardhë, Trump tha se një përjashtim ishte duke u shqyrtuar sepse "është shumë e vështirë për të [Orban] të marrë naftë dhe gaz nga zona të tjera". Kjo vjen pasi SHBA-të në fakt futën në listën e zezë dy nga kompanitë më të mëdha të naftës të Rusisë muajin e kaluar, duke kërcënuar me sanksione për ata që blejnë prej tyre, transmeton Klankosova.tv. Pas takimit, Ministri i Jashtëm hungarez Péter Szijjártó shkroi në X se SHBA-të i kishin dhënë Budapestit "një përjashtim të plotë dhe të pakufizuar nga sanksionet mbi naftën dhe gazin". Një zyrtar më vonë i tha BBC-së se ky përjashtim ishte i kufizuar në kohë në një vit. Ky vendim i Trumpit shënon një fitore të madhe për Orban, i cili kishte thënë se sanksionet do të shkatërronin ekonominë e vendit të tij. https://klankosova.tv/trump-pret-ne-takim-orbanin-e-hungarise/