Trumpi ia cakton Hamasit orën dhe ditën e fundit për pranim rreth Gazës

Presidenti i ShBA-së, Donald Trump, i dha Hamasit afat deri të dielën në mbrëmje për të arritur një marrëveshje mbi planin e tij për të ardhmen e Gazës, duke e quajtur atë një shans të fundit për grupin militant palestinez. "Një marrëveshje duhet të arrihet me Hamasin deri të dielën në mbrëmje në orën 06:00 pasdite, sipas kohës së Uashingtonit," shkroi Trump të premten në Truth Social. "Çdo vend e ka nënshkruar! Nëse kjo marrëveshje e mundësisë së fundit nuk arrihet, i gjithë ferri, siç askush nuk e ka parë më parë, do të shpërthejë kundër Hamasit", u shpreh Trump. Trump tha të martën se do t'i jepte Hamasit tre deri në katër ditë për të pranuar dokumentin me 20 pika, i cili i bën thirrje grupit të çarmatoset - një kërkesë që ai e ka refuzuar më parë. Hamasi po e shqyrton propozimin, tha një burim pranë grupit të mërkurën. Plani specifikon një armëpushim të menjëhershëm, një shkëmbim të të gjithë pengjeve të mbajtura nga Hamasi me të burgosurit palestinezë të mbajtur nga Izraeli, një tërheqje të organizuar të Izraelit nga Gaza, çarmatimin e Hamasit dhe futjen e një qeverie kalimtare të udhëhequr nga një organ ndërkombëtar, shkruan Reuters, transmeton Klankosova.tv.