Presidenti i SHBA-së, Donald Trump, tha të premten se ka rinovuar banjën e Dhomës së Gjumit Lincoln, duke i vënë vulën e tij të fundit Shtëpisë së Bardhë, pasi prishi Krahun Lindor, shtroi dysheme mbi Kopshtin e Trëndafilave dhe dekoroi Zyrën Ovale me ar.
Trump, i cili ka marrë kritika për shtimin e një shkëlqimi në stilin Mar-a-Lago në rezidencën historike, zbuloi banjën e rimodeluar me mermer të bardhë e të zi nëpërmjet mediave sociale.
"Unë e rinovova Banjon Lincoln në Shtëpinë e Bardhë. U rinovua në vitet 1940 në një stil pllakash të gjelbra art deco, që ishte krejtësisht i papërshtatshëm për Epokën e Lincoln," tha Trump në postimin e tij, i cili përfshinte foto të banjës para dhe pas rinovimit, raporton Reuters, transmeton Klankosova.tv.
"E bëra me mermer të bardhë e të zi të lëmuar për statuja," tha ai. "Kjo ishte shumë e përshtatshme për kohën e Abraham Lincolnit dhe, në fakt, mund të jetë mermeri që ishte fillimisht atje!"
Shtëpia e Bardhë nuk iu përgjigj menjëherë pyetjeve nëse projekti i banjës kishte kaluar ndonjë proces formal projektimi apo miratimi.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
