Turneu i boksit në Bullgari, Kosova merr tri medalje

Në Sofje të Bullgarisë po zhvillohet turneu ndërkombëtar i boksit “Strandja”, aty ku po marrin pjesë boksierë kosovarë, të cilët po tregohen fantastikë në paraqitjet e tyre. Pas Donjeta Sadikut, në qerekfinale ishin dy boksierë kosovarë Bashkim Bajoku që kishte për kundërshtar boksierin Sabyrkhan Makhmud nga Kazakistani.  Bajoku fitoi duelin pa luftë dhe siguroi medaljen e bronztë dhe u kualifikua në gjysmëfinale. E medaljen e tretë të bronztë për Kosovën e fitoi boksieri Loris Idrizi, i cili për kundërshtar kishte boksierin bullgar, Mitev Kristiyan. Këto janë medaljet e para pas më shumë se 40 vjet nga turneu ndërkombëtar "Strandja" për Kosovën.