Twitter do të lejojë më shumë se 140 shkronja në status

Twitter mund të lansojë një produkt të ri me anë të të cilit përdoruesve të këtij rrjeti sociale do t’iu lejohet të shkruajnë më shumë se 140 shkronja në një status që publikohet. Nuk është ende e qarte se si ky produkt do të funksionojë, por burimet të afërta të Twitter kanë thënë për gazetën britanike The Telegraph se përdoruesve të këtij rrjeti do t’iu lejohet publikimi i përmbajtjeve të gjatë, transmeton Klan Kosova. Limiti prej 140 shkronjash ka qenë shenjë dalluese e Twitter që nga lansimi i tij. Por përderisa ky site po rritet dalë ngadalë, është sugjeruar që të shtohet edhe numri i shkronjave në publikime. Kjo edhe për shkak se gjuhë të ndryshme ndërkombëtare kanë fjalë më shumë ose më pak për të shprehur një mendim të caktuar.