U aludua se është transgjinore, Imane Khelif nuk ua fal - paraqet ankesë për ngacmim

Imane Khelif, boksierja algjeriane në qendër të një mosmarrëveshjeje gjinore në Lojërat Olimpike të Parisit, ka paraqitur një ankesë zyrtare ligjore, duke përmendur se është viktimë e ngacmimit në internet, tha avokati i saj të shtunën. Khelif, e cila fitoi medaljen e artë në kategorinë e peshës së lehtë për femra të premten, së bashku me Lin Yu-ting të Tajvanit kanë qenë në qendër të vëmendjes në Lojërat në një mosmarrëveshje që ka dominuar titujt kryesorë dhe ka qenë temë e debatit të nxehtë në mediat sociale. Avokati i Khelif, Nabil Boudi i tha Reuters se ankesa ishte paraqitur të premten, transmeton Klankosova.tv. "Gjithçka që thuhet për mua në rrjetet sociale është e pamoralshme. Unë dua të ndryshoj mendjen e njerëzve në mbarë botën", kishte thënë Khelif të premten.