U ftua gabimisht për drekë nga një e moshuar, amerikani e vazhdon traditën për vite

Pas një ftese aksidentale për Ditën e Falënderimeve të vitit 2016, Jamal Hinton dhe Wanda Dench, kanë marrëdhënie shumë të afërta dhe të mira me njëri-tjetrin. Ata të dy ranë në kontakt për herë të parë në vitin 2016 kur Dench, nga qyteti Mesa i Arizonës i dërgoi një mesazh Hinton të cilin e ftonte për drekën e Ditës së Falënderimeve. Gruaja e moshuar, Dench mesazhin e kishte nisur për nipin e saj, por në vend të atij, mesazhi i shkoi tek Hinton derisa ishte në klasë në shkollën e mesme "Desert Vista". Nipi i Dench e kishte ndërruar numrin e telefonit dhe ai i përkiste adoleshentit, Jamal. Më vonë të dy ata e kuptuan se mesazhi ishte gabim, por Jamal i kishte dërguar një mesazh duke i thënë se a mundet të shkojë për drekë. Dench ia kishte kthyer se "Sigurisht që mundesh. Kjo është ajo që bëjnë gjyshet ... ushqejnë të gjithë". Hinton ka shkruar në Twitter për t'u thënë ndjekësve të tij se ata të dy ende e festojnë Ditën e Falënderimeve së bashku që nga viti 2016. "Ne jemi gati për gjashtë vjet duke festuar bashkë", kishte shkruar Jamal. Derisa e kishte publikuar një fotografi ku është me të dashurën e tij dhe me të moshuarën Wanda. Ata e kaluan Ditën e Falënderimeve së bashku edhe pasi burri i Dench kishte vdekur nga pandemia COVID-19 në vitin 2020, shkruan CNN, transmeton Klankosova.tv.