U gjet drogë në trupin e bateristit të ndjerë të "Foo Fighters"

Bateristi i Foo Fighters, Taylor Hawkins, kishte drogë në trupin e tij, kanë thënë hetuesit kolumbianë. Një raport toksikologjik tregoi gjurmë të 10 substancave në trupin e tij, duke përfshirë edhe antidepresivë. Shkaku i vdekjes mbetet i panjohur dhe hetuesit nuk thanë nëse përzierja e drogës ishte një faktor. 50 vjeçari vdiq në një hotel në Bogota, ku zyrtarët lokalë thanë se një ambulancë u dërgua në hotel, raporton BBC, transmeton Klankosova.tv. Ai nuk iu përgjigj përpjekjeve të ringjalljes dhe u deklarua i vdekur, tha departamenti i shëndetësisë i qytetit. Zyra e Prokurorit të Përgjithshëm kolumbian tha se ishte ende duke hetuar dhe do të jepte më shumë detaje më vonë. “Instituti Kombëtar i Mjekësisë Ligjore vazhdon të kryejë studimet e nevojshme mjekësore për të konstatuar shkakun e vdekjes”, thuhet në njoftim.