U raportua se iu lindi foshnja pa shenja jete dhe u ndërrua, flasin nga Klinika e Gjinekologjisë

Mbrëmë në Klinikën e Gjinekologjisë u raportua e ka lindur një foshnje pa shenja jete. Babai i foshnjës që nuk mbijetoi e ka raportuar rastin në polici. Ai po dyshon se iu ndërrua foshnja. Por, një gjë të tillë e ka mohuar drejtori i Klinikës së Gjinekologjisë Zef Ndrejaj. Ndrejaj tha për Klankosova.tv se kjo nuk ka mundësi të ndodhë. Ai theksoi se gjendja e pacietes ka qenë e rëndë dhe për këtë arsye foshnja s'ka mbijetuar. "Jo, nuk ka mundësi të ndodhë. Janë disa procedura që duhet të ndiqen. Ka pasur keqkuptim në komunikimin verbal. Gjendja e pacientës ka qenë e rëndë dhe për këtë arsye foshnja nuk ka mbijetuar. Nëna e foshnjës ka qenë e njoftuar që ka probleme dhe iu është shpjeguar familjes me kohë. Nuk ka ndërrim të foshnjës, por e ka keqkuptuar situatën prindi sepse ka qenë i tensionuar pak" - tha Ndrejaj për Klankosova.tv Klankosova.tv ka pyetur për rastin edhe në polici por deri më tani s'ka përgjigje. Siç merr vesh Klan Kosova një infermiere i ka ngatërruar prindërit e dy foshnjeve që kishin lindur në të njëjtën kohë. Prindërve që iu kishte vdekur foshnja iu kishte thënë se e keni "fëmija juaj ka lindur shëndosh e mirë", ndërsa atyre që iu kishte lindur foshnja shëndosh e mirë iu kishte thënë se iu kishte vdekur foshnja.