Ulen rastet me HIV në Afrikën Sub-Sahariane

Shumica e infeksioneve të reja me HIV vitin e kaluar ndodhën në vendet jashtë Afrikës Sub-Sahariane për herë të parë. Vendet afrikane kanë bërë përparim të shpejtë në trajtimin e virusit, me numrin e infeksioneve në Afrikën Sub-Sahariane 56 për qind më të ulët se në vitin 2010, tha një raport i ri nga UNAids. Globalisht, infeksionet kanë rënë me 39 për qind gjatë së njëjtës periudhë, shkruan The Guardian, transmeton Klankosova.tv. “Për herë të parë në historinë e pandemisë HIV, më shumë infeksione të reja po ndodhin jashtë Afrikës Sub-Sahariane sesa në Afrikën Sub-Sahariane. Kjo pasqyron arritjet e parandalimit në pjesën më të madhe të Afrikës Sub-Sahariane dhe mungesën e përparimit të krahasueshëm në pjesën tjetër të botës,” tha raporti, i cili zbuloi se numri i rasteve po rritej në Evropën Lindore dhe Azinë Qendrore, Amerikën Latine, Lindjen e Mesme dhe Afrikën e Veriut.